бесік
Бесік байлау. этногр. Бала бесікке бөленгенде ырымдап берілетін сыйлық. Нәрестеге сен апарар сый осы болсын. Анасына табыс ет. Ал б е с і к б а й л а у ы н а өз қалағаныңды атарсыз (Ж. Молдағалиев, Алғ. қоңырау, 88). Бесікке бөлеу. этногр. Баланы бесікке бөлеу ісі, бесікке салу. \≈ Баланы б е с і к к е б ө л е у д і ң мән-мәнәқасы көп. Бесік кертпе құдалық. этногр. Балалары бесікте жатқанда уәделесіп (бесікке кертік салып), құда болысқандық. Бірақ б е с і к к е р т п е қ ұд а л ы қ, алдын ала беріліп қойған «қалың мал» екі ғашықтың қосылуына ерік бермеген (Жалын, 1974, 3, 120). Бесікке салар көбейсін! Баланы бесікке салып жатқандарға айтылатын тілек. Бесікке салу. этногр. Баланы алғаш рет бесікке бөлеу рәсімі. Қазақ халқы баланы б е с і к к е с а л у ғ а (бөлеуге) ерекше мән береді (А. Нүсіпоқасұлы.., Ағаш бесік., 1, 8). Баланы б е с і к к е с а л а т ы н адам алдымен бесікті аластап, «бісміллә» деп жөргегін салады (Бұл да, 1, 15). Баланы б е с і к к е с а л у жұртқа сыйлы, мінезі жайдарлы, үбірлі-шүбірлі әжелерге тапсырылады (Қаз. этнография., 1, 492). Бесік көрпе. Нәрестенің бесігіне жабатын көрпе. Бесік жабдықтары: жөргек, жастық, б е с і к к ө р п е, қолбау, тізебау, түбек, шүмек т.б. (А. Нүсіпоқасұлы.., Ағаш бесік., 1, 10). Б е с і к к ө р п е – баланың бесігіне жабатын көрпе (Шаңырақ, 96).