бұғалық
Iзат. кәс. Домбыра мойнының жоғарғы жағы, алқымы. Әдетте күй сағалықтан б ұ ғ а л ы қ қ а қарай тартылады ғой. Ал, Сүгірдің «Қазаны», «Ақсақ тоқтысы» осының керісінше, б ұ ғ а л ы қ т а н сағалыққа қарай тартылады (Қаз. әдеб., 14.08.1977, 2).
II
Бұғалық арқан. Бір жағы тұзақталған, ұзындығы 10-14 құлаштай, асау ұстауға арналған, жіңішке қыл арқан (Қаз. этнография., 1, 192). Өздеріңіз елестетіп көріңіші, нағыз жылқышының қосақ арқан, матау арқан, ат арқан, жан арқан, б ұ ғ а л ы қ а р қ а н, керме арқан деп аталатын аса қажетті жабдық құралдары әр түрлі дайындалады (Лен. жас, 23.11.1972, 3).