бүркіт
Iзат. астр. Аспан шоқжұлдыздарының бірі; экваторлық шоқжұлдыз. Шоқжұлдыздардың саны көп. Олар: Аққу, Б ү р к і т, Жетекші, Мерген, Саршаян, Кіші аю, Үлкен аю т.б. (Х. Әбішұлы, Халық астр. 9). Қазақ халқы Бөрі, Б ү р к і т, Жылан, Көгершін, Қоян, Құзғын, Сілеусін, Тауыс, Тырна т.б. деген сияқты жұлдыздарды да білген және оларға ат қойған (С. Сәрсенова, Қаз тілі. астр., 78). Б ү р к і т – Жылан, Қалқан, Мерген, Ешкімүйіз және Дельфин шоқжұлдыздарының арасында орналасқан экваторлық шоқжұлдыз (ҚСЭ, 2, 544).
II
Бүркіт балдақ. Құсбегінің құс ұстаған қолын сүйеп отыратын аша ағаш. Б ү р к і т б а л д а қ немесе қолдық – құсбегінің құс ұстап отырған қолы талмас үшін сүйеп отыратын аша ауыз ағаш (Шаңырақ, 423). Бүркіт мұрындау. Мұрыны бүркіттің тұмсығына ұқсас, имектеу келген. Б ү р к і т м ұ р ы н д а у, қиылған қара мұрты бар, орта бойлы келген қызыл шырайлы жас жігіт сахнаға шықты (И. Байзақов, Таңд. шығ., 2, 113).