былғары
Былғары жүген. Астына қайыс салып, былғарыдан жасалған жүген. Б ы л ғ а р ы ж ү г е н д і астына қайыс салып тігеді (Шаңырақ, 34). Әбзелге қатысты деректерде өрме жүген, б ы л ғ а р ы ж ү г е н, қайыс жүген, түйме жүген, шытыралы жүген, шашақты жүген және т.б. толып жатқан түрлері аталады (Қаз. этнография., 2, 66). Былғары құйысқан. Былғарыдан жасалған құйысқан. Құйысқан үлгі мәнеріне орай құр қайысқан, б ы л ғ а р ы қ ұ й ы с қ а н, түймелі құйысқан, термелі құйысқан, үзбелі құйысқан деп атына сай айтылады (Ата салты., 104).