біз
Біз кесте. Матаны кергішке керіп қойып, белгілі бір нобай бойынша ілмек бізбен тігілген кесте. Б і з к е с т е н і ң шым кесте және әредік кесте деген екі түрі бар (Қаз. этнография., 1, 581). Кестенің б і з к е с т е, шым кесте деген түрлері бар. Б і з к е с т е – кергішке керілген матаның бетіне түсірілген өрнек нобайы бойынша ілмек бізбен өткермелеп шалу арқылы тігілген кесте (Ә. Тәжімұратов, Шебер., 32). Біз кілем. этногр. Бізбен тоқылып жасалған кілем. Кілемнің қалы кілем, түкті кілем, тықыр кілем, тақта кілем, таз кілем, тұс кілем, б і з к і л е м тәрізді сан түрге бөлінетінін осы кітаптан оқимыз (Қаз. әдеб., 14.01.1983, 4).