дара
Iзат. Басқа жерлерден ерекшеленіп тұрған жер (сай, сала, жыныс, т.б.). Қазақтар тау аңғарындағы мұндай молынан созылған жазық алапты «д а р а» да деп атайтын (Ә. Асқаров, Таңд., 280). Мына д а р а д а арғы аталарымыздың оза көшіп, кең жайлаған шұрайлы күзеуі болған секілді (Бұл да). «Тоқам үйінің д а р а д а бөлігніп қалған қошқарларына аю шауыпты» дегенді естіп, қақпанымды көтере соған кеткем (М. Разданұлы, Алтай., 143).
II
Дара гүл. биол. Бір-бірден өсетін гүлдер. Гүлдері бір-бірден өсіп жетілетін өсімдіктер бар. Бұлар – д а р а г ү л д е р (Ботаника, 82). Дара жынысты гүлдер. биол. Тек аналықтан немесе аталықтан тұратын гүлдер. Кейбір өсімдіктердің бір гүлінде тек аналықтар – аналық гүлдер, ал басқа гүлінде тек аталықтар – аталық гүлдер болады. Мұндай гүлдерді д а р а ж ы н ы с т ы г ү л д е р деп атайды (Биология, 160). Дара жынысты өсімдіктер. биол. Тек аталығы немесе аналығы бар өсімдіктер тобы. Дара тұқымды жеміс. биол. Бір ғана тұқымы бар жеміс. Тұқымының санына қарай жемістер д а р а т ұ қ ы м д ы ж е м і с және көп тұқымды жеміс болып ажыратылады (Биология, 14).