еркек
Еркек жүз. Тарақтың сирек жүзі. Осы тәрізді диірменнің астыңғы тасын ұрғашы тас, үстіңгісін еркек тас, өрмектің астыңғы жібін ұрғашы жіп, үстіңгісін еркек жіп деп, тарақтың жиі жүзін ұрғашы жүз, сирегін е р к е к ж ү з деп атайды (Д.Шоқпарұлы: Қаз. әдеб., 22. 06. 1984, 14). Еркек жүзді. Еркек пішіндес (Т.Ахтанов, Қаһарлы күн., 65). Еркек жүн. Күзем жүннің түбіті аз, қылшығы молырақ болып келеді. Сондықтан оны еркек жүн деп атайды. Еркек қалып. Қалыптың үстіңгі беті. Қалыптың үстіңгісін шеберлер е р к е к қ а л ы п деп атайды (Д. Шоқпарұлы: Қаз. әдеб., 22. 06. 1984, 14). Еркек тас… Қолдиірменнің үстіңгі е р к е к т а с ы н ы ң бір шетінен ағаш тұтқа орнатып, дән тарту үшін оны оң қолмен ұстап, сағат тіліне кері айналдырады (Қаз. этнография., 2, 77). Осы тәрізді диірменнің астыңғы тасын ұрғашы тас, үстіңгісін е р к е к т а с, өрмекшінің астыңғы жібін ұрғашы жіп, үстіңгісін еркек жіп деп, тарақтың жиі жүзін ұрғашы жүз, сирегін еркек жүз деп атайды (Д. Шоқпарұлы: Қаз. әдеб. 22. 06.1984, 14).