жабайы
Жабайы алма. Алманың жабайы өсетін түрі. Теңіз деңгейінен 1500-3000 метр биіктікте мәңгі көгеріп сұлу шыршалар, онан төмен ж а б а й ы а л м а, өрік өседі (Білім және еңбек, 1968, №6, 10). Жабайы жылқы. Қолға үйретілмеген тағы жылқы. Қазақ жерінде ерте заманда жосып жүретін ж а б а й ы ж ы л қ ы л а р: тарпан, құлан тағы басқаларды бұл күндері зоопаркте ғана көреміз (Қаз. әдеб., 23. 10.1970, 2). Жабайы түйе. Қолға үйретілмеген тағы түйе. Мәселен қазақ даласының төл тағысы болған ж а б а й ы т ү й е мен жабайы сиыр (тур), камшат (бобр), құлан, тарпан (жабайы жылқы) секілді аңдарды бұл күндері зоопарктен ғана көреміз (Лен. жас, 20. 09. 1972, 4). Жабайы сиыр. Қолға үйретілмеген тағы сиыр; тур.