жақ
Жағы байланды. Қайтыс болды, өлді. Атыңнан айналайын хақ пайғамбар, Алладан әмір келсе – ж а қ б а й л а н ар. Аллаға тіршілікте құлшылық қыл, Қара жер өлгеннен соң тақтайланар (Қ. Толыбаев, Бабадан., 17). Жағын қарыстырды. Үнін үшірді, жылатпады. Баласы жыласа шешесі «Әндірей келіп қалады, қ а р ы с т ы р ж а ғ ы ң д ы» деп қорқытатын (З. Ақышев, Жаяу Мұса, 221). Жақ аштырмады. Сөйлетпеді, үнін шығартпады. – Ж а қ а ш т ы р ы п сөйлеткің келмейді-ау тіпті. Бір сөз айтса адырақтап тұра келесің (Е. Мырзахметов, Туған күн, 36). Жақ жұт. этногр. Жаз бойы жауын жаумай, малдың жақ айқастырар шөп таба алмай қырылуы. Халқымыз жұтты ақ жұт, ж а қ ж ұ т, қара жұт деп үшке бөлген (Халық сөзі, 03. 05. 2013. 10).