жалғыз
Жалғыз асық. этногр. Асық қолданып ойнайтын балалар ойынының бір түрі. Ж а л ғ ы з а с ы қ ойынының ережесі бойынша 4 бала шығып, қолдарындағы сақаларын иіреді. Алшы тұрса – «хан», тәйке тұрса – «уәзір», бүк түссе – «қойшы», шік түссе – «ұры» болады (Қаз. этнография, 1, 196). Жалғыз [бір] бұрау. Бос жатқан, іліп алар. Үйде ж а л ғ ы з б ұ р а у отын жоқ (Қ. Ысқақ, Ақсу., 9). Жалғыз шабар батыр. Қорықпайтын, б а т ы л , ж ү р е кс і н б е й т і н . Ж ү г е н құйысқандары, ертоқым, өмілдіріктері ақ күміспенен қапталған, кілең ж а л ғ ы з ш а б а р б а т ы р, ылғи сылаң жігіттері жедел жүріп келе жатқан (І. Есенберлин, Шығ. жин., 9, 271).