жанат
Жанат бөрік. Жанат терісінен тігілген әдемі бөрік. Жиегі ерекше қымбат аңдар терісінен жасалатын кәмшат бөрік, құндыз бөрік, ж а н а т б ө р і к, қарсақ бөрік, сусар бөрік, түлкі бөрік, күзен бөрік деп аталатын бөріктің түрлері ертеде киіт, кәделі сый, жасау қатарынан орын алған (Қаз. этнография., 1, 539). Жанат ішік. Жанаттың терісінен тігілген ішік. Ер адамның сырт киімдерінің ең бағалысы – аң терісінен жасалған ішіктер. Олар аң терісінің атына сәйкес бұлғын ішік, ж а н а т і ш і к, қасқыр ішік, күзен ішік болып бөлінеді (Қаз. этнография., 2, 76). Пұшпақ ішік, зорман ішік, ж а н а т і ш і к, елтірі ішіктер қара күзде және көктем айларында киюге арналған (Шаңырақ, 327).