жанды
сын. ауыс. Өмірде бар, нақтылы, дәл. Еңбектің бақыт-байлық кілті екендігін, еңбексіз тапқан бақыт-байлықтың баянсыз болатындығын ж а н д ы мысал, нақты дәлелдермен көрсетіп, еңбектің қыры мен сырын егжей-тегжейлі түсіндірді (А. Нүсіпоқасұлы, Ағаш бесік., 2, 13). Жанды дауыс. жаңа. Таспаға жазылған дауыс емес, өз даусы. Ендігі есеп беру концертімді ж а н д ы д а у ы с т а өткізейін деп, дайындалып жатқан жайым бар (Айқын, 12. 02. 2009). Жанды су. Қайнатпай-ақ ішуге болатын таза су. Ең дұрысы – тау басында еріген қардың суы. Оның «ж а н д ы с у д ы ң» ішіндегі пайдалысы екендігі анықталды (Қ. Олжай, Қанат байла., 7). Ғалымдар да қарап жатпай, «ж а н д ы с у д а н» кейін «өлі суды» тапқаны мәлім (Бұл да).