жарма
Iзат. көне. Төрт доңғалақты арба үстіне тігілген алты қанат боз үй; хан ордасы. Бұдан соңғы бір айырма – ж а р м а ғ а түпте төрт, алда тіркесе қосарланған жеті жұп, жиыны он сегіз түйе жегілген (М. Мағауин, Аласапыран, 39).
II
зат. жерг. Канал. Керіз бойынан ж а р м а қазып, Сырдың суын құмға шығармақшы болдым (Ы. Жақаев, Менің бақытым, 15). Ж а р м а қазыла бастады, оған араласпасқа шарам қалмады (Бұл да).
III
Жарма қалта. Аузы тілік сияқты екіге жарылып тұрған қалта. Қалтаның жапсырма қалта, ж а р м а қ а л т а, төс қалта, омырау қалта, ішкі қалта т.б. түрлері болады (Шаңырақ, 328).