жауһар
зат. көне. 1. Құрыш болаттан отқа қыздырмай (суықтай) соққан қылыш. Олар қылыштың темірін отқа қыздырмай, «суықтай соғу әдісімен» «ж а у һ а р» деп аталатын атақты Шам шәһарының құрыш болатын соғып шығарады (В. Ян, Шыңғыс хан, 51). 2. ауыс. Өте қымбат, асыл (туынды). Ғалымдардың пікіріне қарағанда киіз үй әлемдік сәулет өнерінің ж а у һ а р туындылары қатарына жатады (Білім және еңбек, 1986, №7, 11). 3. поэт. Асылдар, қымбатты адамдар. – Бұхар, Абай, Махамбет, Құрманғазы, Ықылас тағы басқа толып жатқан ж а у һ а р л а р туралы сіз не білесіз? (Ш. Мұртазаев, Жұлдыз көпір, 227). Қазақтың профессионалды тума өнері бүгінде шырқау биікке көтеріліп, дүниежүзілік мәдени ж а у һ а р л а р д ы ң табағына ортақтаса бастағаны әмбеге аян (Лен. жас, 13. 05. 1972, 3).