жаяу
Iзат. шахм. Шатыраш ойынының бір тасы; пешка. Бір ж а я у д ы жүремін Ойын болар порым жоқ. Бұл шатырашта білемін, Мерзімдерге орын жоқ (Шәкәрім, Шығ., 400). Ал екінші есепте қара жағында екі ж а я у аз екенін көруге болады (Ана тілі, 31. 01. 2013, 12).
II
Жаяу әңгіме. Бос әңгіме, қысыр әңгіме. Бірін сүйеп, біріне сүйенген көзі жасты келіншектер жөн сұрасып, бір кезде ж а я у ә ң г і м е г е көштік (Б. Нұржекеев, Күй толғау, 45). Жа я у к ө к п а р . Ж а я у а д а м д а р қатысатын көкпар ойыны. Он адамдай жерде жатқан көкпарды қай озғандары алып қашып, көмбеге бұрын жеткені озады. «Ж а я у к ө к п а р» ойынына мықтылардың мықтысы ғана қатысады (Б. Төтенаев, Қаз. ұлт. ойын., 77). Жаяу почта. Ауызекі сөз, ауызша тараған хабар. Қазіргі келіп жеткені мұндағы ж а я у п о ч т а таратқан әлгіндей шолақ хабар (Б. Соқпақбаев, Таңд., 27). Жаяу тартыс қ. бұқа-тартыс. «Ж а я у т а р т ы с» ойынына қатысушы екі жігіт ортаға шығады да, тұйықталған арқанды мойындарына салып, еңбектеп тартысады (Б. Төтенаев, Қаз. ұлт. ойын., 77).