ине
Инеден жаңа шыққандай. Жапжаңа, су жаңа. Үстінде аппақ көйлек, бүгін ғана и н е д е н ж а ң а ш ы қ қ а н д а й қара костюм. Кеудесі толған ордендер мен медальдар (І. Есенберлин, Маңғыстау, 133). Ине жасырмақ. этногр. Бөлмеде отырған ойыншылардың біреуі далаға шығып кетеді, екіншісі инені өз бойына жасырады. Сырттан келген ойыншы инені іздемек болып, бас киіміндегі күйені оның бетіне жағып кету ойыны; инемді тап. И н е ж а с ы р м а қ ойыны жастардың бас қосуында, көбіне үйде ойналатын ойын (З. Жәкенов, Аяулы., 79). Инемді тап. этногр. Ұлттық ойындардың бір түрі. «Инемді тап» ойынына керегі бір ғана ине. Жүргізуші «сен мынаны үстіңе жасыр, мен иіскеп табамын» дейді де, сыртқа шығып, бөркін айналдырып киіп, төбесіне көп қылып күйе жағады. Үйге келіп, әр жерін иіскеген болып, инені жасырушының бетіне күйесін жұқтырып кетеді (Б. Төтенаев, Қаз. ұлт. ойын., 72). Бұл ойындардың ішінде көптеген күлдіргілі, көпшілік ортасында тапқырлықты талап ететін «и н е м д і т а п», «қарамырза», «айдап сал» сияқтылары да бар (Бұл да). Ине ұшында отыру. «Не болар екен» деп, қатты күдіктену, қыпылықтау. Ал и н е ұ ш ы н д а о т ы р ы п, бүгінгі далбасалауын ненің белгісіне жорығаны мақұл (А. Мекебаев, Алапат, 109).