кәделі
Кәделі ас. этногр. Қонақтардың жасына, мәртебесіне қарай арнайы тартылатын ас (тағам). К ә д е л і а с – малдан алынатын өнімдердің, әсіресе ет мүшелерінің ішіндегі нәрлі, дәмді түрлері (Қаз. этнография., 3, 14). Кәделі мүшелер. этногр. Адамдардың жасына, әлеуметтік, туыстық, жақындық ерекшеліктеріне байланысты ұсынылатын мал етінің мәнді бөлшектері. Піскен етті табаққа саларда қонақтардың сыйқұрметіне қарай – жасы үлкен адамға – бас, сыйлы қонаққа – жамбас, құдаға – асықты жілік, жауырын болып бөлінетін мүшелер. К ә д е л і м ү ш е л е р г е бас, жамбас, асықты жілік, ортан жілік, белдеме мен қазы-қарта, жал-жая жатады (Қаз. этнография., 3, 15).