көкмойын
Iзат. Тоғызқұмалақ ойынындағы солдан оңға қарай санағандағы сегізінші отау. Тоғызқұмалақтың әр отауы былайша аталады: 1-отау – арт немесе таңдық; 2-отау – тектұрмас; 3-отау – атөтпес; 4-отау – атсыратар; 5-отау – бел; 6-отау – белбасар; 7-отау – қандықақпан; 8-отау – к ө к м о й ы н; 9-отау – маңдай (Ө. Жолымбетов, Айгөлек, 47-48). Тоғызқұмалақшының біреуі к ө к м о й ы н н а н, біреуі ортадан, кейбіреуі атаспастан, белбасардан бастаймын деп кезек алып, алғашқы боп көшеді (Лен. жас, 08. 11. 1988, 4).
II
зат. п е р и ф р. Арақ. Кейбір орыстар, мал сатқандар болса керек, бірер қазақты ортасына алып, арбаның түбінде отырып «к ө к м о й ы н д ы» сіміріп жатыр (Б. Майлин, Таңд., 246). «Міне, біз де келдік» дегендей к ө к м о й ы н дастарқан шетіне кеп шікірейе қалды (Н. Серәлиев, Қаңтар, 126).