көрдемше
сын. 1. Түк білмейтін, түкті де сезбейтін (адам). Тұран бір құлақты кесіп алып келіншегіне, бірін алып мал иесі дегендей Қанаттың атасына берді. «Өй, мынау бір к ө р д е м ш е ғой», дегендей, не заманнан қалыптасқан дәстүрді бұзған ағаларына ренжіген балалар шегінісіп кеткен (К. Сегізбаев, Жылдың., 84). 2. Тәрбие көрмеген, тәрбиеленбеген (дауыс). Дауыс ырғағымда тәрбие көрмеген к ө р д е м ш е н і ң үніндей қатқылдау әуездің болғанына Шәкең ренжімес деймін (А. Әшімов, Шығ. жин., 1, 33). 3. Нашар салынған, көріксіз, сәнсіз (құрылыс). Сонда біздің реставраторларымыз әлгіндей к ө р д е м ш е құрылыстарды қандай нұсқаға, қандай негізге сүйеніп салып отыр?! (Қаз. әдеб., 16. 11. 1984, 15).