күнби
зат. көне. Үйсін ұлысы өздерінің билеушілерін осылай атаған. Үйсін ұлысы өздерінің билеушілерін Күн, яғни күннен тараған ұрпақ деп, оған «би» атауын үстеме сыңар қып қосып к ү н б и деп атаған (Қ. Толыбаев, Бабадан., 13). Қытай деректеріне және көне шежіре жазбаларына сүйеніп, зерттеушілер Үйсін мемлекетінің хандары к ү н б и аталған деген дерек келтіруде (Н. Мыңбатырова, Төле би., 18). Өз заманында к ү н б и л е р, қағандар, хандар, сұлтандар, билер халықты заң-жарғыларға, халықтық салтдәстүрлер мен ғұрып-әдеттерге сүйене отырып басқарған (А. Нүсіпоқасұлы.., Ағаш бесік., 1, 131).