мүйіз
Мүйіз көзілдірік. Қапсырмасы (оправасы) мүйізден жасалған көзілдірік. Тура өзі. Селдір шашы, м ү й і з к ө з і л д і р і г і, қамыт аяғы, еңкіш жауырыны көзіме оттай басылды (Б.Омарұлы, 11-ші қаламұш, 95). Мүйіз салығы. т ар. Халыққа ауырпалық, қиыншылық туғызу үшін арнайы ойлап табылған салық түрі. Голощекин «кіші қазан төңкерісі қажет» деген сылтаумен өз күнін әзер көріп отырған қарапайым шаруаға арнап 16 түрлі салық ойлап шығарады. Соның бірі әр үйге 4-5 килодан м ү й і з с а л ы ғ ы еді. Салық жинағандар әлгі мүйіздерді көрсетпей үстіне май құйып өртеп жіберіп отырды (Жас Алаш, 20,01,2011).