орамал
Орамал тастамақ. сөйл. Орамал тастау. Ауыл жастары біресе ән айтып, енді бірде «мыршым», «о р а м а л т а с т а м а қ», «хан жақсы ма» ойындарын ойнап, әбден құмардан шығып, шаршағанда бірақ тарады (А.Сейдімбеков, Қыр хикаялары, 116). Орамал тастау. этногр. Дөңгелене тізіліп отырған жастардың артына ойын жүргізуші білдірмей орамал тастап кетеді. Егер сезіп қалса, орамалды ала салып, ойын жүргізушіні қуып жетіп ұрады. Ал сезбей қалса, айыпты болады. Бұл топтағы ойындардың бірі – «о р а м а л т а с т а у». Ойнаушылардың саны көп болса, ойын соншалықты қызық болады (Б.Төтенаев, Қаз. ұлт. ойын., 63).