пұшпақ
Пұшпақ жүн. Қойдың пұшпағына (сирағына) шыққан жүн. Қойдың дене мүшесіне қарай жүн: бас жүн, бауыр жүн, мойын жүн, п ұ ш п а қ ж ү н, тірсек жүн болып бөлінеді (Ж.Қоқанова, Түк және тері., 11). Пұшпақ ішік. Мал, аң терісінің пұшпағынан тігілген ішік. Келеді әнші Біржан құстай ұшып, Бір бұта қалды үстінде п ұ ш п а қ і ш і к, Ойы не? Әлде жаудан құтылмақшы, Алдында жатқан суға түсіп (І.Есенберлин, Шығ. жин., 10, 174). Әйелдердің қолынан шыққан п ұ ш п а қ і ш і к, сеңсең ішік түрлері тұрмысқа лайық киімдер (Қ.Толыбаев, Бабадан., 225). П ұ ш п а қ і ш і к, зорман ішік, жанат ішік, елтірі ішіктер қара күзде және көктем айларында киюге арналған (Шаңырақ, 327).