сайгез
зат. сөйл. Сайгез оқ. С а й г е з, бұлың, сұржебе, жезайыр, қалжуыр т.б. – бәрі де садаққа салынар жебе түрлері (Соц. Қаз., 29, 03. 1991, 4). Бірақ жоңғарлардың с а й г е з і мен жезайырларының ұшқырлығын естігеннен кейін қалың қолға өзі басшылық етуді мақұл көрген-ді (Алм. ақшамы, 21.06. 1991, 4). Сайгез оқ. көне. Садақ оғының бір түрі. Садақ толған с а й г е з о қ. масағынан өткеріп, Басын қолға жеткеріп, Созып тартар күн қайда? (Доспанбет жырау: Нар заман., 22). Сабының жасалуына байланысты с а й г е з о қ, қайың оқ деп атайды (Ата салты., 49).