сары
Сары акация. Акацияның гүлі сары түсті түрі. Кейбір өсімдіктерде, мысалы, меңдуананың қорабының беті қақпақша тәрізді жабылып тұрады. Ас бұршақ пен с а р ы а к а ц и я н ы ң жемісі бір ұялы деп аталады (Ж.Әбиев, Биология., 69). Сары бие. п е р и ф р. Самауыр. Сары жұрт. Әбден ескірген, шөбі желініп біткен жұрт. Ала жаздай ел жайлаған жайлаудың с а р ы ж ұ р т ы н а алсындап қайта шыққан көк балауса беткейлері көзге алыстан шалынады (К.Сегізбаев, Жап-жасыл., 8). Сары жұрт тартты. Сарғайды, сүреңсізденді. Айнала с а р ы ж ұ р т т а р т ы п, оқта-текте құйын қуалаған қаңбақ көшеді (М.Құмарбекұлы, Жер иесі, 125). Сары кезік. мед. Сүзек ауруының созылмалы түрі. С а р ы к е з і к – ұзақ ауру (Ана тілі, 28. 06. 1990, 5). Сары сүйек жегжат. Ежелден құдажегжаттығы бар. – Ежелден с а р ы с ү й е к ж е г ж а т ы м ы з. Өздері де қақсоқпен жұмысы жоқ, құдай деген адамдар (Т.Мәмесейіт, Таңжарық, 2, 15).