сиқыр
Сиқыр су. п е р и ф. Арақ, жынды су. С и қ ы р с у кімді арбап уысына түсірмеген, кімді жынды етпеген (Б.Соқпақбаев, Таңд., 58). Сиқырлы таяқ. этногр. Жас өспірімдер ойыны. Олар қол ұстасып, дөңгелене шеңбер бойына тұрады. Жүргізуші олардың әрқайсысына қатардағы санын айтады. Таяқты тігінен қадап ұстап, бір санды айтады да, таяқты жібере салады. Әлгі адам таяқты құлатпай қалуы керек. Жас өспірімдер үшін аса бір пайдалы ойындардың бірі – «с и қ ы р л ы т а я қ» (Б.Төтенаев, Қаз. ұлт. ойын., 62). Табиғи денелерді қолданып ойнайтын ойындар: бестас, лек жалау, с и қ ы р л ы т а я қ, бақай пісті, жылмаң т.б. (Қаз. мектебі, 1974, №5, 14).