сиыр
Сиырдың ұйқысындай. Сиырдың ұйқы безіндей бұжыр-бұжыр д.м. Бұл екеуі әңгімелесіп отырғанда беті с и ы р д ы ң ұ й қ ы с ы н д а й мылжамылжа шикіл сары кісі қастарына келді (М.Дүйсенов, Меймандар, 103). Әлпеті біртүрлі – қожыр-қожыр, с и ы р д ы ң ұ й қ ы с ы іспетті (О.Бөкеев, Үркер, 13). Сиыр жұлма. Сиырдың шөпті жұлып жеуі. Осы сияқты басқа малдардың да шөпті қалай жейтінін білдіретін мынандай сөз тіркестері туған: жылқы тістеуік, с и ы р ж ұ л м а, қой іскек, ешкі шөпшек (Балдырған, 1971, №9, 18). Сиыр таңдай. Сиырдың таңдайы сияқты жолақ-жолақ, кедір-бұдыр. Жыланды өзені бетеге, жусан, бұйырған өскен боз топырақты жазық дала мен с и ы р т а ң д а й құм төбелерді басып өтіп, көктемгі тасқында Ащыкөлге құяр еді (Т.Әбдіков, Өліара, 3).