сүйретпе
Iзат. Аяқтың басына іліп жүретін жеңіл аяқкиім; тәпішке. Аяқтарына с ү й р е т п е іліп, иықтарына жеңіл халат жамылған (Ж.Қорғасбек, Жынды қайың, 62). Аяғына киген шибарқыт с ү й р е т п е с і м е н кілемнің түгін жапыра жүріп кетті (Т.Нұрмағамбетов, Жер иісі, 42). Шекердің аяғындағы с ү й р е т п е с і н сырпылдатып, кухняға қарай өткені естілді (Б.Аманшин, Гүл көтерген, 52).
II
Сүйретпе шана. Жаз кезінде пайданылатын, бір басы өгізге артылып, екінші басы жерде сүретіліп жүретін шана. С ү й р е т п е ш а н а м е н балшыққа қосатын сабан тасып, ыстық күнде тілі салақтаған өгіздер, кесек құйып жүрген әйелдер көз алдымда (Б.Соқпақбаев, Балалық., 159).