сірке
Iзат. з е р г. Зергерлік өнерде қолданылатын түйір-түйір күміс. Орайы келгенде айта кетейін, зергерлік өнерінде қолданылатын мескөрік, мәймөңке, ақық (сердолин), сақинек, кежеге, жетімшеге, ширатпа (скань), с і р к е (ложная зернь), бүршік (зернь), лажы (эмаль), т.б. елуден астам терминдер мен атауларды марқұм Жәмәли ақсақалдан жазып алған едік (Д.Шоқпарұлы: Қаз. әдеб., 22. 06. 1984, 13).
II
Сірке салу. қ. ө н е р. Металл бетіне күмістен ақ нүктелер салу, шұбарлау. Қалдаяқ ұста қазақ қолөнерінің ою, қаралау, безеу, с і р к е с а л у, дәнекерлеу, ұламалау т.б. әдістерін жетік меңгерген ісмер болған (А.Жұмашев, Қалдаяқ ұста., 11). С і р к е с а л у тәсілі: ағаш көмірін ұнтақтап, оған күміс ерітіндісін қосады да, темір тақтаға төгеді. Төгілген күміс қоспасы бытыра сияқты ұсақ шарларға айналады. Ол шарларды әшекейленетін бұйымның тиісті жеріне қойып бекітеді (Ә.Тәжімұратов, Шебер., 79).