тай
ет. Тобығы орнынан жылжып кету. Қит етіп алысса, я секірсе тобығы т а й ы п кететін-ді (С.Мұратбеков, Дос ізде., 241). Тай кесе. Үлкен кесе, жанан. Ақ мамық жастықты шынтақтай, күміс т а й к е с е м е н кестамды сіміріп отырып, Бұрындық хан нөкерлеріне лепіре сөйледі (І. Есенберлин, Алмас., 292). Тай күзеу. Кекілі, жалы, құйрығы түгел күзеледі. Тек жалынан уыс толар шоқтық қалдырады (Шаңырақ, 523). Тай саба. Тайдың терісінен жасалған кішірек саба. Келесі – торсық, сосынғы – т а й с а б а, құнан саба (Жалын, 1973, №1, 87).