тайынша
Тайынша айдату. Дойбы ойнағанда жеңген жақтың артылған тастарын «тайынша айдату» деп атайды. Дойбы ойынында «биге шығу», «қос үйге қамау», «т а й ы н ш а а й д а т у» т.б. қалыптасқан терминдер бар (Шаңырақ, 391). Тайынша бұқа. Бір жасар бұқа, бұқашық. Т а й ы н ш а б ұ қ а – бір жастағысы, құнан бұқа – екі жастан асқаны, дөнен бұқа – үш жасары, бесті бұқа – бес жасары, құжбан бұқа – жеті жастан асып жетілгені (Қаз. этнография., 1, 552). Әсіресе т а й ы н ш а б ұ қ а, құнан бұқаларды айтсаңызшы (З. Ақышев, Жаяу., 7).