тақа
үст. 1. Тіптен, тіпті, тым. Т а қ а болмаса, молдалармен бірге пәленшекемтүгеншекемнің жаназасына кіріп, ақ арулап, ақирет сапарына шығарып салғандарын айтады (Ә. Нұрпейісов, Соңғы., 20). Дәрігер сырқат адамға түрліше дәрі-дәрмек беріп, жеңіл де ауыр ем-дом жасап, т а қ а болмай бара жатқанда пышақ жұмсауға шейін барады (Қаз.әдеб., 15.11.1974, 3). Дүниеде не көп – сынған темір көп. Т а қ а болмаса, трактордың екі-үш доңғалағын әкелсе, жетіп жатыр емес пе? (Пионер, 1974, 4, 19). 2. Дәл, тура. Мұқанның суреті деп жазулы емес, т а қ а таныған кісі болмаса, ешкім біле қоймас (С. Шәріпов, Бекболат, 99). Т а қ а бір үміт, кесілген біреу болмаса, үйде жататын ер-азамат табылмас (Қ. Жұмаділов, Дарабоз, 1, 292). 3. Мүлдем, біржолата. Қонақтар сейіліп болған күні, Ұлжан қысқы соғым мен сүрдің т а қ а біткенін айтты (М. Әуезов, Таңд. шығ., 1, 328). Таусылуға айналған ай, туғандағысындай емес, т а қ а жарық бермей тұр (І. Есенберлин, Алтын., 1, 97).