тақта
Тақта келі. Түбі жайпақ, тегіс болып келген келі. Ағаш келінің екі түрі болады: т а қ т а к е л і, шұңғыл келі. Т а қ т а к е л і н і ң түбі тегістеу келеді де, келсап дәл тиіп, дәнді майдалауға, ұнтақтауға қолайлы болады (ҚСЭ, 5, 350). Тақта кілем. этногр. Тақта-тақта етіліп тоқылған кілем. Кілемнің қалы кілем, түкті кілем, тықыр кілем, т а қ т а к і л е м, таз кілем, түс кілем, біз кілем тәрізді сан түрге бөлінетінін осы кітаптан оқимыз (Қаз. әдеб., 14.01.1983, 4).