тақыр
Iүст. Мүлде, бүтіндей, біржолата. Қоржындағы шытырлаққа не қой құйрығына емес, жаман тоңмайға бөктірген шамалы жент т а қ ы р таусылды (М. Мағауин, Аласапыран, 101).
II
Тақыр алаша. сөйл. Түксіз алаша. Т а қ ы р а л а ш а тоқу немесе тақыр кілем тоқу Қазақстанда жақсы дамыған (Шаңырақ, 94). Т а қ ы р а л а ш а н ы мейлінше жалпақ енді етіп тоқылған ұзын басқұрды бір-екі құлаш шамасында кесіп алып, өзара қосып тігеді (Қаз. этнография., 1,151). Тақыр кілем. Түксіз кілем. Кілемнің қазақ арасына көп тараған түрлері: масаты кілем, қалы кілем, т а қ ы р к і л е м, түкті кілем, бұхар кілем, терме кілем, түрікмен кілем, парсы кілем, арабы кілем т.б. (Ә. Тәжімұратов, Шебер., 53) Тақыр қолтық. Аңның нағыз, дәл (түксіз) қолтығы. Таутеке мергеннің күткеніндей-ақ тұсынан екі-үш арқан бойы жақындай берген кезде ол т а қ ы р қ о л т ы қ т ы ң тұсын қарауылға іліндіре бере шүріппені басып қалған (К. Сегізбаев, Жапжасыл., 10).