талқы
Талқы сөз. жерг. Бір мәселені талқылау, пікір алысу іс-әрекеті. – Бала өлгенше шал өлсін. Бала бермейміз, - деп, т а л қ ы с ө з д і ң төрелігін, тоқсан ауыз сөздің тобықтай түйінін бір-ақ кесіп айтты (Т.Мәмесейіт, Таудан., 25). Талқы шай. жерг. Дастарқанда басқа ешнәрсе жоқ, құры шай; қара шай. Дастарқан жайылып, екі түйір құртпен т а л қ ы ш а й іштік (М.Қаназов, Ақ тайлағ., 126). Сол күні сүт қатқан көже іше алмай, ішіміз шұрқырап т а л қ ы ш а й м е н жатқанбыз (Бұл да, 150). Тар заманға тұрмысының салты сай, Талғажауға тартар сыйым – т а л қ ы ш а й (Е.Дүйсенбай, Бозала таң, 352).