тамыр
IТамыр атпалары. бот. Кейбір өсімдіктердің тамырларында бүршіктер пайда болады. Осы бүршіктерден жаңа жас өсінділер өсіп шыға алады. Оларды тамыр атпалары деп атайды. Т а м ы р а т п а л а р ы тамырдың қосалқы бүршіктерінен дамып жетіледі. Көк терек пен шетен т а м ы р а т п а л а р ы н а н көбейеді (Ботаника, 104). Тамыр оймақшасы. бот. Жас тамырдың ұшы жасушалар қабатымен қалпақ тәрізді қаптаулы болады. Тамыр ұшындағы осы қабатты тамыр оймақшасы деп атайды. Т а м ы р о й м а қ ш а с ы тамыр ұшын топырақтың қатты түйіршіктерінің зақымдауынан қорғайды (Ботаника, 57). Тамыр өңі. бот. Тамырдың сыртын қабықша жауып тұрады. Оны тамыр өңі деп атайды (Ботаника, 57).
II
Тамыр ұстау. Тамыршының (емшінің) ауырған кісінің тамырын ұстау арқылы оның ауруын анықтау ісі. Емші ауру адамның т а м ы р ы н ұ с т а у арқылы оның жүрек қағысын білген (Қаз. этнограф., 1, 274).