тасошақ
Iзат. Тастан жасалған ошақ. Ошақ: темірошақ, т а с о ш а қ, жерошақ және қазандық болып бөлінеді (Шаңырақ, 105). Қазан жерошаққа, үш сирақты темірошаққа және т а с о ш а қ қ а асылады да, астына от жағылады (Қ.Толыбаев, Бабадан., 248). Есік алды алаңқының шет жағасына құралған т а с о ш а қ т а бауырсақ пісіріп, түтіндетіп жатқан топты әйелдің дабыры саябырлай қалды (Ғ.Біләл, Ғасырлық., 12).
II
зат. жаңа. Үй қабырғасына тастан жасалған сәнді ашық ошақ; камин. Төсегінің аяқ жағындағы сәнді т а с о ш а қ, жұқа түрікпен кілемі, қабырғадағы құм басқан шөл даланың үлкен суреті – бәрі орнында (Ж.Қорғасбек, Жынды қайың, 162). Т а с о ш а қ т а ғ ы оттың әлдеқашан сөніп қалғаны, үйінің суып кеткені енді ғана білінгендей (Ж.Қорғасбек, Жынды қайың, 162). Май шамның ала сәулесі түскен бұрышта, т а с о ш а қ т а, ақшешек қақсалы шатырлай жанып жатыр (Е.Тұрысов, Ақбақай, 129).