тау
Тау алма. Тауда өсетін жабайы алма. Жаңа гүл жарған тобылғы мен т а у а л м а н ы ң исі мас қылғандай (Лен. жас, 10.06.1972, 2). Тау дерті. сөйл. Биіктік ауруы. Көш көсемі Зәйіп Тәйші дауа қонбас « т а у » д е р т і н е шалдығыпты (Егем. Қазақст., 15.10.1996, 4). Тау мысығы. зоол. Таулы жерді мекендейтін жабайы мысық. Онда т а у м ы с ы ғ ы н өсіруге де болады екен. Даусына қарап, ондай мысықты жергілікті ел «маңқылдақ» деп кеткен (Ж.Жұмақанов, Замана., 14). Тау пісте. бот. Тау беткейлерінде өсетін, биіктігі 2-2.5 м-дей, пісте беретін бұта (ағаш). Т а у п і с т е сырт қарағанда долана ағашына өте ұқсас. Бұтақтары қисық-қисық келеді. Ал жапырағы алма ағашының жапырағына ұқсас (Қаз. пионері, 05.06.1971, 3). Т а у п і с т е апрель айында гүлдеп, август айында жеміс береді (Бұл да). Тауы жығылды [шағылды, қайтты]. Сағы сынды, беті қайтты. Оу, болыс, мен адамым өліп, құзым құлап, т а у ы м ж ы ғ ы л ы п келіп тұрған жоқпын ба?! (Ш.Мұртазаев, Қызыл жебе, 180). Жас жігіт ғашық, бірақ қыздан т а у ы қ а й т қ а н, онымен тіл табыса алмайды (Лен. жас, 12.04.1977, 4).