теңге
Теңге ату. этногр. Ат үстінде шауып келе жатып, биік бағанның басына ілінген күміс теңгені атып түсіру сайысы (ойыны). Т е ң г е а т у – адамдардың, әсіресе жастардың қару ұстау өнері мен көзге атар мергендігін сынайтын ойын түрі (А.Нүсіпоқасұлы.., Ағаш бесік., 4, 86). Теңге жасыру. этногр. о й ы н. Ойын жүргізуші бір баланы сыртқа шығарып жіберіп, үйдегілердің біреуіне «бойыңа жасыр» деп теңге береді. Сырттағы бала келіп, әлгі теңгені табуы керек. Таппаса айып тартады. Т е ң г е ж а с ы р у ойыны – балалар өзара бас қосқанда, үйде отырып ойнайтын ойын. Бұл ойын кей жерде «теңге жасыру» делінсе, кей жерде «сақина жасыру» делінеді (А.Нүсіпоқасұлы, Ағаш бесік., 4, 106). Теңге салды. Тұтқынның қол-аяғын байлап, сыртынан орап, екі-екіден теңдеп, көлікке артып алды. Бас бағып, алыс тұрып Құсан сұмырай, Қарады соғыс жаққа көз айырмай. Еркешті т е ң г е с а л ы п жөнелгенде, Қуанды жауыз Құсан есі қалмай (И.Байзақов, Таңд. шығ., 1, 100).