тепе
Iзат. көне. Жер өлшеу мөлшері; бір тепе екі жарым шаршыдай жер. Бесеуіне бірдей сол Алтын Емел бойынан, өзеннің құмды жағасынан әрқайсысына бір т е п е басыбайлы жер берілсін деп бұйрық алды (І.Есенберлин, Алмас., 170).
II
зат. техн. Техникалық, музыкалық және есептеу құралдарының басқан кезде механизм іске кірісетін тілшігі немесе түймесі (Бекітіл. термин.).
III
зат. жерг. Қи, уатылған көң. Қалған т е п е н і де есек арбаға тиеп, қораның сыртына айнала берген кезде шағылдың қиясынан түйе жетелеген аттылы баздың аузына қарай бұрылды (К.Ахметбеков, Ақдала, 2, 202).