толайым
үст. 1. Барлық, күллі, бүкіл. Т о л а й ы м әлеуметке биылғы қыс аса қатты боларын бағамдады (О.Бөкеев, Үркер, 90). Ал қазақ атты халықтың т о л а й ы м тұтас өнерін, оның жан-жақтылығын айтар болсақ, 1917 жылдан бері ғана көсіле аламыз (Қаз. әдеб., 29.03.1985, 13). 2. Бүтіндей, біржолата, толық. – Базардың ырың-жырыңы бітпейді. Т о л а й ы м алатын көпеспен сөйлесіп көрейін, - деді (Т.Әлімқұлов, Ел мен жер, 99). – Міне, Жәкеңнің бір өзіне бір бөлмені т о л а й ы м беріп қойдым (Қаз. әдеб., 21.05.1976, 4). Қазір әдебиет пен өнер құбылыстарын кеңінен, т о л а й ы м қарастыруда семиотика ғылымының ролі артып отыр (Қаз. әдеб., 30.11.1984, 6).