төсексалар
зат. этногр. Күйеу бала мен қалыңдықтың төсегін салған адамға берілетін кәде. Одан соң шымылдық ашқан жеңгесіне «шымылдықашар», төсек салған жеңгесіне «т ө с е к с а л а р» сондай-ақ, «қолұстатар», «шашсипатар» сияқты толып жатқан жол-жоралар мен кәделер беріледі (А.Нүсіпоқасұлы, Ағаш бесік., 3, 49). Бір әйел шымылдық ашып «шымылдықашар» алса, екіншісі алдын ала қалыңдық төсегін салғаны үшін «т ө с е к с а л а р» сұрайды (Х.Арғынбаев, Қаз. халқы., 195). Неше жігіт ер жетсе, сонша есікашар, ұрын келер, итырылдатар, бақантастар, қолұстатар, шашсипатар, т ө с е к с а л а р … (М.Тиесов, Жиделібайсын., 57).