түйме
зат. т а б у. Жылан. –Тарт әрі! –Ата, бұл шақпайтын жылан. Атама, құрғырыңның атын. Т ү й м е де (Ж.Алтайбаев, Таңд. шығ., 239). Түйме жүген. Қайыстан түйіліп жасалған жүген. Әбзелге қатысты деректерде өрме жүген, былғары жүген, қайыс жүген, т ү й м е ж ү г е н, шытыралы жүген, шашақты жүген және т.б. толып жатқан түрлері аталады (Қаз. этнография., 2, 66). Жүгеннің өрме жүген, т ү й м е ж ү г е н, қайыған жүген, күміс жүген деген түрлері болады (Қаз. ауыл шаруаш., 1970, №10, 62). Түйме көз. Кішірек келген дөңгелек көз. Қасында тесірейген т ү й м е к ө з біреу отыр (Ә.Нұрпейісов, Соңғы., 125). Анаған бір, мынаған бір қарап отырған т ү й м е к ө з д е н сен «Әзімнің жанындағы жуан қара кім?» деп сұрадың (Бұл да).