тініке
зат. Қорытып темірден жасалған бұйымдардың сыртына жағып, оған сәндік әрі беріктік беретін жылтыр шыны зат; эмаль. Сәлден соң т і н і к е с і ұшып, әр жері тем-тем боп қарайған темір табақтағы тұзды суға әлгі бір шөкім ұнды салып, жұдырықтай ғана қамыр иледі (Д.Исабеков, Тіршілік, 123). Сүтті қалайы ыдысқа пісірсеңіз тездетіп шыны немесе т і н і к е ыдысқа қотарып алыңыз (Қаз. мұғалімі, 03.07.1993, 6). Тініке жүргізу. Күміс бұйым бетіне арнаулы ерітіндімен түрлі-түсті өрнек жүргізу; тінікелеу. Т і н і к е ж ү р г і з у үшін ерітілген қоймалжың затты күміс бұйымның бетіндегі бізбен безеп ойылған іздерге құйып, суығаннан кейін егеумен егеп жөндейді (Қаз. этнография., 2, 608).