уызқағанақ
зат. Өрісте жүрген малшылар жаңа туған қойды сауып, уызын тазаланған қағанаққа құйып, оттың күліне көміп пісіретін тағам. Көктемгі уыз кезінде қой соңында жүрген қойшылардың да уыздан жасайтын өз тағамы бар. Оны – у ы з қ а ғ а н а қ деп атайды (А.Сейдімбеков, Күңгір-күңгір., 118). У ы з қ а ғ а н а қ жасау үшін уыз сауып, оны тазаланған қағанаққа құйып, аузын буып, күлге көміп тастайды. 5-10 мин-та қою уыз қата қалады (Бұл да). Қойшылар у ы з қ а ғ а н а қ пісіреміз деп, балаларды отарымен бірге өріске алып шығатын болған (Білім және еңбек, 1986, №7, 42 б.).