шек
IШек беру. д і н и. Құрбан айттың бірінші күні қайтыс болған туысына (туыстарына) арнап, құран оқытып, мал сойып, берілетін нәзір ас. Әдетте ш е к б е р у г е ниет қылған қаралы отбасы мүшелері алдымен бейіт басына барып, марқұмға бағыштап құран оқытады (А.Нүсіпоқасұлы, Ағаш бесік., 5, 92).
II
Шек салды. Тайдың, құлын, жабағыландың танауын шекіп белгі салды. Ш е к союға сатуға болмайтын, өсімтал жүйрік, жорға, шаруашылыққа тиімді болғандықтан, тұқымын қалдыру керекті малдарға с а л ы н а д ы (С.Қасиманов: Қазақ календары, 1975, 19. 04).
III
Шек салды. жерг. Жеребе салды, жеребе тартты. Екеуі келісе алмай, ақырында шетелден келген журналистерден көргеніне бағып, ш е к с а л ы с п а қ болды (Т.Әлімқұлов, Сырлы наз, 107). – Онан да ш е к с а л а л ы қ, - деді де, біреуі аттың тізгінін қолына орай бастады (Шыңғыс хан, 223).