шешімталдық
зат. Шешім шығара білетіндік, шешімгер. Серігінің қысылғанда жол таба білетін ш е ш і м т а л д ы ғ ы н а, қиындықты қайыспай көтеретін төзімділігіне тәнті (Лен. жас, 13.03. 1985, 3). Ши аршу. Ши тоқу үшін ши сабағын қабығынан тазалау. Ш и а р ш у деп тоқудың алдында ши сабағының қабығын аршуды айтады (Ә.Тәжімұратов, Шебер., 59). Ши аяқ. Жіп-жіңішке, қылдырықтай аяқ. Жиынға келетін кілең жарлылар, ш и а я қ балалар жиналған (Б.Майлин, Таң. шығ., 308). Ши есік. Шым шиді киізге тігу арқылы жасалған киіз үй есігі (Ә.Тәжімұратов, Шебер., 59). Ши жүгіртті. Екі араға от тастап, істі асқындырды, шиеленістірді. Болар іс болыпты, енді ш и ж ү г і р т і п, сөзден сөз балалатып, елді дүрліктірер жөн жоқ (Ж.Әлмашұлы, Тар дүние, 5). Ши қалпақ… Жігіт есік алдында жанындағы аласа орындыққа отырды. Ш и қ а л п а ғ ы н алып, тізесінің үстіне қойды (М.Сүндетов, Үзеңгі жолдас, 92). Ши тарту. Ши тоқу үшін шиді түбінен суырып (тартып) алу (Ә.Тәжімұратов, Шебер., 58).