шыртылдақ
зат. 1. Жаңа шайқалған сары май. Бір мінезі тағы бар, Не бұлай деп біле ме, Жағады деп жаныма Сары майын ш ы р т ы л д а қ, Алты қарыс созылып, Көп ішінде тамақты Ұялмай жер сылпылдап (Ө.Ақжолұлы, Үриятнама, 60). Ш ы р т ы л д а қ, жент, сары бауырсақ толы дастарқан үстінде аң құмар Қоңырбай сары құсын недәуір-ақ мадақтайды (Ә.Көшімов, Екі бүркіт, 49). 2. Жылқының қайырылған іш майы (Қаз. этнография., 1, 204). Келіге салып жармалаған тарыны сары майға, ш ы р т ы л д а қ қ а, тұзды қатыққа (сүзбеге) қосып жаншып, қарынға салып қысқа сақтар еді (Қаз. әдеб., 01. 04. 1985, 14).