қараше
зат. этногр. Нысанаға сырық лақтырып ойнайтын ойын. Қарашеге сырық (3-4 құлаш), қазық (1 құлаш) және баскиім қажет. Қазықты қағып, басына баскиімді іліп, 15-20 қадамдай жерден сырық лақтырады. Бұл ойын балаларды жас кезінен бастап найза лақтыруға, нысананы дәл көздеуге дағдыландырады (Қаз. этнография., 3, 457). Қ а р а ш е ойынына қатынасушылар бас киімдерін шешіп, ортаға тастады (Б.Төтенаев, Қаз. ұлт. ойын., 52). Әсіресе халқымыздың тарихымен тамырлас «ақсүйек», «таяқ жүгірту», «сақина салу», «қ а р а ш е», «бестас» секілді ойындардың тарайтынын ойлаудың өзі мол қуаныш (Лен. жас, 21.11.1985, 4).