қасқыр
Қасқыр қақпан. Қақпанның қасқырға салатын мықты, үлкен түрі. Бергі бұрышта табанбасары мен білтесі түсіп, шынжырлы тоқпағына матасып бір-екі қ а с қ ы р қ а қ п а н ы жатыр (Е.Тұрысов, Құралай., 23). Ұстайтын аңына қарай қақпанның: қ а с қ ы р қ а қ п а н түлкі қақпан, тышқан қақпан деп аталатын түрлері бар (ҚСЭ, 6, 414). Қасқыр мен қойшы этногр. Далада, көгал үстінде ойналатын ойын. Келесі ойынды «қ а с қ ы р м е н қ о й ш ы» немесе «аларман» деп те атайды. Ойыншылар бірінің белінен бірі ұстап тізбек құрап тұрады да, тізбектің соңында тұрған қойды «қасқырға» алдырмауға тырысады» (Б.Төтенаев, Қаз. ұлт. ойын., 67). Қасқыр тірсек. э п и т. Тірсегі қасқырдың тірсегіндей сіңірлі. Алқа бел, аю қабақ, бота мойын, Шөгендей төрт тұяғы құйған шойын. Құс кеуде, інген ерін, түлкі азу, Бөкен бел, қ а с қ ы р т і р с е к бура қойын (А.Нұртазин, Көк тоғай, 25).